Afundimento do PSOE e irrupcion da extrema dereita de Vox nas eleccións andaluzas
O PSOE queda con 33 escanos que xunto coa caída de Adelante Andalucía pode permitir que a dereita goberne por primeira vez a comunidade andaluza.
Entre o PP con 26 actas, Ciudadanos con 21 e Vox con 12 suman 59 escanos, catro máis dos necesarios para a maioría absoluta mentres o PSOE afundese ate os 33 deputados (perde 8 puntos e 14 escanos, o peor resultado da súa historia), e a coalición Adelante Andalucía quedase con 17, tres menos que a suma que tiñan Podemos e IU.
A extrema dereita irrumpe con forza no parlamento cun discurso xenófobo e antifeminista, sendo Almería a provincia donde acada un maior apoio, e logrando ademais acadar representación en todas as provincias andaluzas.
Á espera de pactos para saber o que acontece co goberno
Tanto o candidato do PP, Juanma Moreno, como o de Ciudadanos, Juan Marín, xa se posicionaron como candidatos á presidencia de Andalucia e non descartaron pactar con Vox para conseguilo a pesares que o partido de Santiago Abascal xa advertiu que calquera acordo pasaría por aceptar o seu programa político.
Por outra banda, a actual presidenta Susana Díaz, anunciou que buscaría o entendemento para configurar un goberno que bloquee o ascenso ao poder da extrema dereita, e Teresa Rodriguez, candidata de Adelante Andalucía, fixo unha chamada á facer fronte á extrema dereita e a pelexar por conservar os dereitos das minorías e das clases traballadoras do pais.