O PSOE podería volver aplicar o 155 polas protestas dos CDR en Cataluña
O PSOE non descarta que o goberno de Pedro Sánchez volva a aplicar o artigo 155 da constitución española tras as declaracións de Quim Torra de recorrer “á vía eslovena”.
Esther Peña, voceira do comité electoral do PSOE, indicou nunha rolda de prensa que o executivo de Pedro Sánchez está a estudar aplicar novamente medidas contra Cataluña debido ao que describiu como “conculcación de dereitos” que segundo a súa opinión se terían producido coa complacencia do goberno catalán e o “desistimento de funcións” de Torra en referencia aos cortes de autopistas protagonizadas polos CDR en plena ponte festiva.
A voceira adiantou que nas próximas horas coñeceranse as medidas das que falou e que responderían aos actos de protesta dos CDR e ás declaración do presidente da Generalitar chamando á “vía eslovena” para lograr a independencia. A voceira indicou que “mencionar esa vía é un erro, un absoluto disparate e unha temeridade que terá que explicar”.
Borrell acusa ao presidente da Generalitat de “chamar á unha insurrección”
O ministro de Asunto Exteriores do goberno español, criticou a intervención de Quim Torra no Consell per la República cando instou á cidadanía de Cataluña a seguir a vía eslovena cara a independencia e tamén criticou que Oriol Junqueras recorrera no pasado a chamar tamén á vía irlandesa que acabou “nunha guerra civil tremenda”, espetou Josep Borrell.
A fiscalía e o bloqueo das autopistas
A fiscalía anunciou que non emprenderá accións legais polo bloqueo que os CDR someteron a AP-7 durante máis de 15 horas xa que segundo explicaron fontes próximas a fiscalía non pode actuar se os feitos xa están en coñecemento dun xulgado e, neste caso, as actuacións teríanse que remitir ao xulgado de Tortosa.