Nova faltada de Feijoo ao persoal da información
Onte, na véspera dun novo “venres negro”, onde o persoal da CRTVG protesta contra a manipulación e o desmantelamento dos servizos informativos, durante unha rolda de prensa do Consello da Xunta, Feijoo era cuestionado por un reporteiro gráfico, ao que respostaba “eu so lle contesto a xornalistas”
O reporteiro gráfico prantexaba ao Presidente da Xunta “mañá esta convocado o venres negro nos medios públicos galegos, o 30 xa, ¿ten pensado tomar algunha medida ao respecto ou facer algún comentario?” ao que Feijoo lle respostaba “eu contestaballe con moito interese, o que pasa é que a miña obriga é contestarlle aos periodistas”.
Non é a primeira vez que unha resposta do Presidente da Xunta xera polémica entre o persoal da prensa galega. O ano pasado, cando os xornalistas lle preguntaron en relación ás súas fotos con Marcial Dorado, Feijoo tamén lles espetara un “cando teñan un programa en La Sexta, entonces, igual lles contesto”.
A resposta de Feijoo non pasou desapercibida nas redes sociais, onde persoal da propia CRTVG, xornalistas, políticos e público en xeral afearon o seu comportamento
Señor @FeijooGalicia, en RTVE no es usted y sí el Consejo de Administración quien determina quién es y quién no es un profesional de la comunicación. Dice el Estatuto de Información CRTVE, art 3 …@DefendeAGalega #venresnegro30CRTVG @Xunta pic.twitter.com/G0HLcegoUl
— Roberto Lakidain (@Roberto_Lak) December 13, 2018
Pois si, o Reporteiro Gráfico era eu, e o señor que desprecia a miña pregunta é un tal Feijóo. Non sei se ten o título homologado do Colexio Oficial de Presidentes. https://t.co/WO7xaVsyot
— Ovidio Fernández (@ovifes) December 13, 2018
20 segundos que retratan a un presidente. O desprezo é a súa reposta #EuTaménReiteroPregunta https://t.co/ByNNqJlVMq
— Luís Villares (@VillaresLuis) December 14, 2018
Un presidente que se esconde e despreza a quen non pensa como él. Merecémonos algo mellor #VenresNegro30CRTVG https://t.co/KZ5ZjL7l7p
— Ana Pontón (@anaponton) December 13, 2018