Yolanda Díaz presentaríase por Madrid para asegurar o seu posto
Yolanda Díaz buscaría acomodo en Madrid ante a baixada das expectativas electorais de Podemos e a súa teima de romper En Marea.
A estrondosa baixada das expectativas electorais de Podemos unida á teima de romper o espazo de confluencia, aboca a Yolanda Díaz a non arriscarse a volver presentarse pola Coruña e busca acomodo en Madrid, o que está a causar problemas tanto en Esquerda Unida como en Podemos.
Alberto Garzón verase obrigado a prescindir de colaboradores na capital para abrirlle sitio nos postos de Izquierda Unida o que molesta nas filas da formación ao considerar que é unha persoa de Pablo Iglesias polo que o oco deberallo facer Podemos.
Na formación morada tampouco o teñen moi claro e o desembarco de Yolanda Diaz podería provocar a enesima crise de Podemos en Madrid.
Por Coruña, presentaríase encabezando a lista Antón Gómez-Reino, o secretario xeral de Podemos Galicia.