Imaxe: Facebook Jon Sáez García

Consternación en Ourense tralo falecemento de Jon Sáez García.

06/03/201911/03/2019 O Parte 0 Comments Esquerda Unida, falecemento, jon saez, ourense

O falecemento o luns de Jon Sáez García nun atropelo deixaba consternadas a familiares, amizades compañeiras de política e de activismo.

Aos 30 anos, Jon, de Esquerda Unida, falecía nun atropelo o luns ás 21:30 horas, en San Cibrao das Viñas, causando un fondo pesar en Ourense.

Jon fora candidato de Esquerda Unida á alcaldía de Ourense, eleccións nas que era, aos seus 22 anos, o candidato máis novo. En 2012 presentouse de cuarto na candidatura de Alternativa Galega de Esquerda (AGE) ao Parlamento Galego.

Dende que se coñeceu a nova do seu pasamento, foron moitas as mostras de cariño que amizades e compañeiras de militancia publicaron nas redes sociais, así como formacións políticas como Esquerda Unida e En Marea, que a través de comunicados, trasladaron as súas condolencias e azos á familia.

Xuventude, compromiso, valentía, rebeldía… Son moitas as palabras precisas para definir ao compañeiro e camarada de Ourense, Jon Sáez, que nos deixou demasiado cedo. Con nós, para sempre, quedará o seu optimismo e a súa enorme solidariedade. Camarada, que a terra che sexa leve. pic.twitter.com/7DtmLv91g8

— Esquerda Unida🔻 (@EsquerdaUnida) March 5, 2019

Adeus compañeiro, camarada Jon.
Gracias por encher de vida en Ourense a nosa organización. Lembrarémoste sempre.

— Eva Solla Fernández (@eva_solla) March 5, 2019