“Con esta Europa non hai Paz”: O gasto militar da UE a debate en Compostela
Co título “Con esta Europa non hai Paz. Non ao gasto militar”, a eurodeputada Lidia Senra organiza esta charla-coloquio que terá lugar este xoves, 8 de novembro, ás 19:00h no salón de graos da Facultade de Políticas, en Santiago de Compostela.
Na charla-coloquio tratarase como as institucións europeas están comprometendo a paz na UE, baseándose en que nestes momentos estase negociando o Marco Financeiro Plurianual para o período 2021-2027 e as cifras destinadas á militarización e ao reforzo da industria armamentística non deixan lugar a dúbidas.
Nas prioridades orzamentarias da UE figuran a defensa, a seguridade e as fronteiras exteriores, substituíndo outros aspectos como a loita contra a desigualdade entre os territorios. A fronteiras exteriores e seguridade destinaranse 21.300 millóns de euros, fronte aos 5.600 millóns do período anterior. En seguridade e defensa investiranse 27.515 millóns de euros, dos cales 13.000 millóns destinaranse a crear un fondo novo de Defensa. Dende a organización do coloquio aseguran que “os datos avalan que estamos ante todo un reto para quen apostamos por outra Europa, afastada do militarismo. Mal se pode apoiar a paz preparándose para intervir”, e para falar deses retos, intervirán na palestra Lidia Senra e Sabine Lösing, vicepresidenta da Subcomisión de Seguridade e Defensa do Parlamento Europeo. A presentación do acto encomendóuselle a Xavier Vence.
Esta será a primeira vez que se poderá escoitar a Lösing en Galicia.
A vicepresidenta da Subcomisión de Seguridade e Defensa do Parlamento Europeo #SabineLösing (eurodeputada @dieLinkeEP alemán) viaxará esta semana por 1ª vez a GZ. Dará xoves 19:00h Facultade de Políticas da USC charla crítica co gasto militar da UE https://t.co/ozdvcLx6Vn pic.twitter.com/SDN8rif1R0
— Lídia Senra (@LidiaSenra) November 5, 2018
Mañá asistirei en Santiago á charla coloquio "Con esta Europa non hai Paz" onde se debaterá sobre o reforzo da industria armamentística e o previsible aumento de gasto militar na UE para o período 2021-20227. Intervirán @LidiaSenra @xaviervence e Sabine Lösing. @En_Marea pic.twitter.com/nWBsLCfDRo
— Luís Villares (@VillaresLuis) November 7, 2018
CON ESTA EUROPA NON HAI PAZ: Non ao gasto militar!!
Charla coloquio organizada pola @LidiaSenra mañá ás 19h en Compostela no Salón de graos da Facultade de Políticas.
Estará a eurodeputada alemana Sabrine Lösing; modera @xaviervence. pic.twitter.com/V2Lvb5fkM4— Alternativa Canguesa de Esquerdas (@ACEcangas) November 6, 2018