O PP sóbese ao “MatoCarro”

O “MatoCarro” é unha iniciativa da candidata do Partido Popular á alcaldía na Coruña, Beatriz Mato, para escoitar propostas cidadás.

A propia candidata defíneo como “unha maneira de achegarse á xente, un instrumento máis co que percorrer os barrios nos vindeiros meses”, mentres o PP da Coruña explicou que o “MatoCarro” “é un vehículo lixeiro e urbano, de tres rodas e rotulado, co que a exconselleira percorrerá cada recuncho da cidade interesándose polas cuestións que preocupan aos coruñeses e dando a coñecer a súa proposta para desenvolver un novo modelo de cidade”.

Servirá tamén, asegurou Mato “para poder recoller propostas cun claro obxectivo: mellorar esta Coruña imparable na que sempre nos gustou vivir e da que afacemos presumir”.

A iniciativa non pasou desapercibida polas redes sociais, onde tanto os xogos de palabras coma os chascarrillos tiveron cabida.