Derrota desta volta para o Auriense Campus da Auga F.G.

O Auriense volve de A Estrada con dúas derrotas, pero con boas sensacións.

Difícil tarefa a que tiñan os dous equipos de Auriense Campus da Auga na súa visita o pasado sábado á Estrada para batirse con Irmandinhas e Irmandinhos.

No primeiro partido da tarde, o equipo feminino, con numerosas baixas, estivo a piques de levarse o encontro, sucumbindo ao final por tan só 3 tantos. Un partido moi igualado, onde as xogadoras ourensás competiron a un nivel excepcional, pero no que non tiveron sorte nos derradeiros minutos, sendo o resultado final Irmandinhas 3-14 (26) – Auriense 3-11 (23).

A pesares da derrota tamén do equipo masculino, as sensacións no xogo foron ben distintas. O equipo do Auriense mantívose no encontro practicamente durante 50 minutos, pero a maior presenza física do líder acabou por desequilibrar o choque, co resultado de Irmandinhos 3-21 (30) – Auriense 3-07 (16).  

Grandes encontros os disputados, tanto o feminino como o masculino, que soben as expectativas ante os partidos vitais que xogarán a vindeira fin de semana no Campus Universitario ante o Keltoi de Vigo.  

Deixar unha resposta

Este sitio web utiliza cookies para que teñas unha mellor experiencia de usuario. Ao continuar a navegar estás dando o seu consentimento para a aceptación das ditas cookies e a aceptación da nosa política de cookies, pica na ligazón para máis información.plugin cookies

ACEPTAR
Aviso de cookies