O Partido Popular de Galicia reafirma a súa intención de pactar con Vox
Diego Calvo, vicepresidente do Parlamento de Galicia, ven de reafirmar a intención do Partido Popular de pactar con Vox. “O PP non fai cordóns sanitarios a ninguén”, espetou nunha entrevista do coruñés na cadena SER.
O secretario territorial da xunta directiva estatal do PP de Pablo Casado negou que o seu partido estea a dar un xiro á dereita á vez que facía mención das intención de pacto coa formación ultra Vox.
Feijoo xa avanzara a posibilidade no pasado preparando o escenario dunha máis que probable perda da maioría absoluta da formación en Galicia. Calvo apuntou na mesma dirección e declarou que “se hai que pactar con alguén e se pon enriba da mesa unha serie de puntos e podemos converxer o facemos” referíndose ao partido de extrema dereita.
Diego Calvo tamén restou importancia á perda de apoios da súa formación que reflicten case todas as enquisas electorais a pesar do significativo que supón falar de pactos con outras formacións meses antes de que teñan lugar os primeiros comicios.
.@DiegoCalvoPouso “"O PP non fai cordóns sanitarios a ninguén; se hai que pactar con algúen e se pon enriba da mesa unha seria de puntos e podemos converxer o facemos”
— PP Provincia Coruña (@acorunapp) February 3, 2019