Etelvino Blanco, histórico sindicalista ourensá, será o candidato dunha plataforma cidadá
Rematado o prazo de recepción de candidaturas no proceso de primarias da Plataforma Ourense Mellor, proclamouse a recibida, encabezada por Etelvino Blanco.
Xunto con Etelvino, aspirarán a representar á Plataforma Ourense Mellor referentes en diversos ámbitos da sociedade ourensá como Iolanda Pérez Docampo ou Xosé Manuel Pérez Bouza.
A través dun comunicado, dende a Plataforma sinalan que “a presentación dunha única candidatura manifesta a unidade de acción da Plataforma, o acordo nos obxectivos da súa creación e un respaldo sen fisuras ás persoas que conforman a lista”.
As votacións, nas que será requisito para participar asinar o manifesto da Plataforma, http://ourensemellor.gal/asinar-o-manifesto/ terán lugar o sábado 30 de marzo, de 18:00 a 20:00h e o domingo 31 de 11:00h a 13:00h no Hotel Princess da cidade.
Candidatura única para o proceso de primarias de Ourense Mellor https://t.co/tW1GavYEyq pic.twitter.com/r8p61u42A0
— ourensemellor (@ourensemellor) March 27, 2019