Imaxe: Twitter Pablo Casado

Feijoo desvela que Casado inflúe nas súas decisións

Feijoo desvelou que as posicións políticas e electorais de Casado, vencelladas a contentar a potenciais votantes de Vox, inflúen nas súas decisións á fronte da Xunta, como no caso da reclamación de novas competencias para Galicia.  

Esta semana Pablo Casado, líder do PP en Madrid, daba por fechado o debate sobre a transferencia de novas competencias ás autonomías, o que moitos interpretaron como unha “recentralización do estado”. O presidente da Xunta, sen embargo, quixo aclarar que non é así, senón “evitar o desmantelamento do mesmo coas cesións a independentistas e nacionalistas”.

Isto contrasta coas súas declaracións de fai apenas dous meses, onde reclamaba querer para Galicia “as mesmas competencias que lle están pedindo Cataluña e Euskadi a Pedro Sánchez”. Tralo anuncio de Casado, Feijoo viuse obrigado a recuar. En relación ás peticións de Cataluña afirmou “se é para consolidar o estado das autonomías si estou de acordo, pero non para configurar novos estados nación”.  

Recoñeceu que agora cómpre “conxelar o traspaso competencial”, petición de Casado asumida polo presidente da Xunta, inda que, desa “conxelación” retirou a AP-9, considerándoo “un traspaso dunha infraestrutura básica, non unha transferencia”.

Deixar unha resposta

Este sitio web utiliza cookies para que teñas unha mellor experiencia de usuario. Ao continuar a navegar estás dando o seu consentimento para a aceptación das ditas cookies e a aceptación da nosa política de cookies, pica na ligazón para máis información.plugin cookies

ACEPTAR
Aviso de cookies