Fran Beltrán, o xogador madrileño que cre no galego
Fran Beltrán leva poucos meses en Vigo, máis non está a pasar desapercibido, nin dentro nin fóra do campo.
A nivel deportivo, o xogador madrileño está a demostrar tanto a súa calidade como que aínda ten unha gran proxección futbolísitica, gozando da simpatía do adestrador Antonio Mohamed, que non ten dubidado en aliñalo como titular no once celeste.
Pero onde tamén destaca Beltrán entre os afeccionados celestes é ans súas redes sociais, o xogador asegura estar aprendendo galego para así comunicarse mellor cos afeccionados celtistas, e non dubida en chiar en galego en canto ten a oportunidade.
Recentemente nunha entrevista radiofónica confirmou a importancia que ten para el o noso idioma e que espera seguir formandose para poder facer entrevistas integramente ne galego.
@franbeltran__ "Gústame chíar en galego porque así teño máis cercanía coa afección. Agora estou estudiando galego para poder entablar unha conversa"
— aocontraataqueRG (@aocontraataque) October 10, 2018
Na rede social twitter o seu chío destacado non é outro que referíndose aos centos de xeitos que as galegas teñen para referirse á choiva relacionándoo co momento actual do Celta.
"En Galicia hai máis de cen formas para designar a choiva, pero todas elas escampan" #Afouteza e moito #Corazón @RCCelta
A seguir traballando‼️🤜🏼🤛🏼💜 pic.twitter.com/utZqRlnTBV— Fran Beltrán. (@franbeltran__) October 8, 2018
Mentres que no Facebook, o xogador non quere ser menos, e vén de estrear a súa páxina na rede social onde o galego tamén é o seu idioma vehicular en moitos dos seus posts.
Fran Beltrán que procede do Rayo Vallecano, foi decisivo no último ascenso da equipa de Vallecas a primeira división, o que chamou a atención de varios clubes no estado. Pero foi o Celta de Vigo que o deu todo porel pagando a súa clausula de rescisión para traelo a xogar ao país.
As redes sociais do Celta de Vigo tamén se fan eco da simpatía coa que Beltrán goza entre a afección, tal e como podemos ver na última enquisa celeste en twitter, a cal o xogador encabeza nestes momentos.
🤔 Beltrán, Aspas ou Araujo?
🥇 Elixe ao #XogadorEstrellaGalicia de setembro!
🗳️🔁 Vota, fai RT e participa no sorteo de dúas entradas para o #CeltaAlavés.
— RC Celta (@RCCelta) October 12, 2018