Brigadistas de SEAGA maniféstanse nas rúas de Compostela
Máis de 200 bombeiros e bombeiras forestais da empresa pública SEAGA saíron este martes á rúa reivindicando que a Xunta de Galicia puntúe a súa experiencia laboral á hora de acceder ás listaxes de contratación do Servizo de prevención e defensa contra incendios forestais (SPDCIF) que depende directamente da Consellería de Medio Rural.
As protestas do persoal de SEAGA, que ademais se atopa en folga indefinida dende o 16 de setembro, xurden da decisión da Xunta de non continuar coa encomenda que ten actualmente asignada á empresa pública nas labores de prevención e extinción de incendios forestais durante a tempada de alto risco. Unha situación que deixa no aire preto de 500 postos de traballo.
Se ben a aministración asegurou que para paliar estas baixas ía aumentar en 400 prazas o SPDCIF, os traballadores de SEAGA aseguran que de confirmarse eles non poderán optar a elas xa que non se lles puntúa o tempo traballado na empresa pública. “Levamos 12 anos apagando incendios en Galicia e a Xunta bótanos á rúa sen darnos outra saída ou opción, ao non puntuar a nosa experiencia para poder optar a integranos no SPDIF” comentou un dos manifestantes.
A concentración, convocada pola CIG, partiu dende San Lázaro e rematou diante do edificio da Consellería de Medio Rural en San Caetano. Segundo fontes de este sindicato as accións de protesta iranse intensificando estes días mentres a Xunta non lles garantice unha solución á súa situación laboral.
Non sei @FeijooGalicia pero parece que 500 #bbff de #seaga teñen algo de razón. Vémonos mañá as 11:00 en #Santiago#bbffenhuelga pic.twitter.com/ClVWrRMKU9
— Incendios forestais Galicia (@LumesGalicia) September 16, 2018
En Marea apoia as demandas das traballadoras e traballadores de SEAGA! https://t.co/FpKdH4raJ5 pic.twitter.com/hWm3JnbCB9
— Davide Manzaneda (@DavideManzaneda) October 16, 2018