A comisión de garantías de Podemos valida as primarias de En Marea e pon en dúbida as propias
A comisión de garantías de Podemos ven de refrendar implícitamente as primarias de En Marea dando por válidos os argumentos da dirección de Luis Villares e cargando contra o secretario xeral galego, Antón Gómez-Reino.
O máximo órgano de garantías de Podemos ven de enviar un escrito a Pablo Echenique, secretario da organización morada a nivel estatal no que pon en sospeita as primarias das que resultou gañador o actual secretario da formación en Galicia, Antón Gómez-Reino.
O organismo de garantías de Podemos dá por probado o acceso irregular ao censo constatado por unha auditoría e o volcado dos datos das persoas inscritas e desvela que a persoa que o realizou foi a mesma que cometeu unha vulneración similar cando tiña unha responsabilidade en Podemos a nivel estatal.
O órgano de garantías de Podemos bota por terra o argumentario co que Antón Gómez-Reino atacou as primarias de En Marea pero tamén deixa en entredito o seguidismo da organización morada que realizaron Anova e Esquerda Unida que se meteron nunha vía sen saída á que conduciron aos alcaldes da Coruña e Santiago de Compostela que saíron cunha imaxe moi tocada de todo o proceso de renovación da formación confluente. O órgano indica que despois de que Podemos se implicase “de xeito máximo no respaldo persoal e político á candidatura de David Bruzos e contando con apoio idéntico de Esquerda Unida, Anova e os tres alcaldes do cambio” soamente conseguiran 1.098 votos.
Auditorías en Podemos Galicia
A comisión de Podemos Galicia ven de solicitar que se realicen “tres auditorías independentes” do proceso que elixiu a Gómez-Reino como secretario xeral e que se realicen por “peritos escollidos a través dun acordo das dúas candidaturas” e piden “a revisión completa dos rexistros implicados en tódalas fases do proceso (censo, DNIs validados, inscricións, envío de SMS e escrutinio”.
Gómez-Reino atópase agora entre a espada e a parede. Por unha banda acaba de quedar desacreditado por un órgano que acaba de refutar o seu argumentario contra En Marea e, por outra, venlle un boomerang de volta no que se lle plantexan dous escenarios: Se Echenique permite unha auditoría vai poñer en entredito a limpeza do proceso no que resultou electo Gómez-Reino. Se non se realiza a auditoría desarmará por completo as reclamacións que dirixía o secretario xeral de Podemos Galicia a En Marea e, ademais, deixará en evidencia a hipocresía de reclamar para outros o que non quere realizar un.
Desconcerto en Podemos Galicia
A resolución da comisión de garantías correu como a pólvora entre as inscritas da formación morada en Galicia e sorprendeu a propios e estranos xa que é coñecido que esta comisión é afín a Antón Gómez-Reino dunha proporción de 3 a 1 polo que a sorpresa foi maiúscula.
Os rumores que percorren a día de hoxe a organización morada e os seus foros son que, igual que aconteceu outra veces coas voces críticas, o órgano sexa disolto por Pablo Echenique coa finalidade de non dar resposta a unhas preguntas incómodas e que deixan en evidencia a xestión e a estratexia seguida pola formación morada contra a confluencia galega.
Hace días tuvimos noticia de la resolución de la comisión de Garantías de Podemos Galicia en la que se pide al secretario de organización de Podemos, Pablo Echenique, una auditoría de los resultados de la Asamblea Ciudadana en la que la fue elegida la nueva dirección política 1/4 pic.twitter.com/rItoSBoBfI
— Raimundo Viejo Viñas (@_mundus) January 22, 2019