CxG rexeita o convite para as europeas de En Marea que esta dirixía a Compromís
En Marea convidou a compartir candidatura á formación valenciá Compromís e Compromiso por Galicia rexéitaa pensando que se dirixían a eles.
Durante a rolda de prensa que ofreceu En Marea o pasado 18 de outubro o seu voceiro, Luís Villares, falou das posibilidades da súa formación para concorrer ás elección europeas. Durante a súa intervención dixo que “consideramos a Compromís unha forza irmá, por exemplo, por citar soamente unha das moitas opcións que poderiamos atoparnos nun escenario de negociacións amplo”.
Moi ben feito! Os de @Compromiso_gal Coa esquerda madrileña nin a volta da esquina. https://t.co/AZMKS3K3lc
— Dereita Galeguista (@DereitaGalega) October 20, 2018
No video podemos escoitar o momento no que Luís Villares pronuniaba as palabras que levaron á confusión en Compromiso por Galicia:
A formación galeguista sentiuse interpelada e, nunha rolda de prensa ofrecida polo seu secretario xeral, Juan Carlos Piñeiro Campos, rexeitou o convite pensando que ía dirixido a eles e indicou que se vían na obriga de respostar ás declaracións de Luís Villares porque en Compromiso por Galicia “Somos unha formación seria”.
Que @VillaresLuis fale de Compromis como forza irmá e que os de @Compromiso_gal se den por aludidos, da idea da obsesión desta xente por sair da irrelevancia política. Podedes estar tranquilos que da dereita, sexa galega ou española, tende por seguro que non queremos saber nada.
— Xurxo Triñanes (@xurxox) October 20, 2018
Cara as eleccións ao Parlamento europeo
En Marea comezará a definir o seu camiño europeo no plenario que se celebrará o próximo 27 de outubro en Compostela, nas palabras do seu voceiro buscan “un escenario de negociación amplo que permita compoñer unha candidatura gañadora de cambio político que faga que a xente viva mellor”.
Pola súa banda, Compromiso por Galicia, indicou que buscar repetir a candidatura estilo Galeusca na que estean presentes o Partido Nacionalista Basco e o PDeCat, formación sucesora de Converxencia Democrática de Catalunya.
