A Xunta Electoral de Ourense di que En Marea non é En Marea
Podemos e Esquerda Unida fixeron unha reclamación contra a formación confluente para apropiarse dos resultados electorais do ano 2016.
A Xunta Electoral Provincial de Ourense fixo un requerimento a En Marea para a presentación de avais porque aceptou unha reclamación de Podemos e Esquerda Unida indicando que os resultados da confluencia eran da súa propiedade.
En Marea presentou un recurso indicando que conformou unha coalición electoral de ámbito galego que, baixo a denominación En Marea, concorreu ás dúas últimas eleccións xerais e obtivo representación, tanto na de decembro de 2015 coma na de xuño de 2016, no Congreso dos Deputados e no Senado.
Segundo explican, a coalición rexistrada en 2015 mudou a súa forma xurídica a partido político, constituido en escritura de 2 de maio de 2016. Porén, ao non dispor aínda entón do rexistro no Ministerio do Interior, dado o imprevisto na convocatoria inmediata para xuño de 2016, a fórmula de coalición repitiuse nas xerais daquela data, pero xa incorporando como símbolo nome e símbolo da coalición o de En Marea. Ademais incorporouse o partido En Marea na denominación da candidatura no conxunto de siglas da coalición: Podemos-En Marea-Anova-Esquerda Unida conformando a segunda forza de aquela coalición. Ademais, nas eleccións autonómicas galegas, xa co rexistro obtido, participou xa o partido En Marea, cun resultado de 14 escanos que convertiron formación no oposición maioritaria na cámara galega.
Que di a lei?
O artigo 169 da Lei Orgánica do Réxime electoral xeral indica que “Os partidos, federacións ou coalicións que non obtiveran respresentación en ningunha das cámaras na anterior convocatoria de eleccións precisarán a sinatura de, polo menos, o 0,1% dos electores inscritos no censo electoral da circunscrición”. A lei parece clara xa que En Marea, ademais da coalición anterior ao partido instrumental, estaba conformada tamén polo propio partido. Unha representación que agora lle nega a Xunta Electoral Provincial de Ourense aceptando a reclamación de Podemos.
Reacción do partido confluente
En Marea anunciou que recorrera a decisión da Xunta Electoral de Ourense que, posiblemente, sexa a única xunta electoral que tome tal decisión. A formación xa indicou que a maniobra de Podemos non servirá de nada xa que confían na resolución ao seu favor do recurso e, ante calquera eventualidade, xa teñen as sinaturas necesarias para que a formación se poda presentar con normalidade ás eleccións do próximo 28 de abril
