Riotorto, a aldea que Gwyneth Paltrow recomenda regalar polo nadal
A actriz Gwyneth Paltrow recomenda incluír unha aldea de Roitorto entre os agasallos de compra da súa “Guía de agasallos ridículos pero incribles”, estimando o seu prezo en 149.550€.
Ducias de aldeas, castelos, pazos…. boa parte do patrimonio galego está en venda por Internet a prezo de saldo. No val do Eo, no concello de Riotorto, na provincia de Lugo, o conxunto rural de Muiñovedro ofrécese no sitio web da Inmobiliaria Aldeas Abandonadas, que concentra a principal oferta de lugares singulares e Galicia á venda. A compra desta aldea é recomendada en Goop, a marca de estilo de vida creada pola actriz estadounidense Gwyneth Paltrow.
Goop enlaza á paxina de Aldeas Abandonadas onde se pode consultar a ficha deste conxunto rural, cunha descrición e varias imaxes da propiedade. O principal argumento de venda describeo como “aldea muy bonita con todas sus casas, hórreos, alpendres, bodegas, corrales, etc”.
A marca de Paltrow, ademais de recomendar a compra, inclúe a citada aldea na súa sección “Guía de agasallos ridículos pero incribles”, xunto con outros produtos extravagantes como unha “lámpada banana” de 340 dólares, unha viaxe en globo sobre o Everest por 5.950 dólares, unha táboa de surf da marca de luxo Hermès por 7.700 dólares ou papel para lear tabaco feito con ouro de 24 quilates por 55 dólares.