Rexeneran as zonas afectadas polos incendios forestais en Melón
Amigos da Terra en colaboración co grupo local Vergasta e a CMVMC de O Tourón continua coas accións de rexeneración das zonas afectadas polos incendios forestais no monte comunal de Tourón (Melón) que estamos levando a cabo dende o outono do ano pasado e que xa cumplimos un ano. Durante os ultimos doce meses máis de 400 persoas voluntarias viñeron colaborando en diferentes actividades de restauración e reforestación forestal nos montes de Touron.
Tras os incendios de outubro do ano pasado 2017, as cinzas cubriron os nosos montes pero tamén prenderon as lapas do activismo forestal. O 26 de novembro de 2017 empezaba a materializarse no monte de O Tourón actuacións para non só salvar o solo do monte se non para demostrar que se poden facer as cousas dun xeito diferente, rachar ca política forestal do monocultivo e da inacción.
Dende Aigos da Terra agradecen o traballo de toda a xente que leva un ano colaborando ademais de acudir ás manifestacións, aos concertos solidarios e que fixeron doazóns ou mesmo compartiron nas redes sociais axudando a divulgas as accións que se levaron a cabo.
Con motivo do primeiro aniversario, o domingo 25 de novembro terá lugar unha nova xornada de voluntariado forestal ás 10:30 no aparcadoiro de O Tourón que incluirá:
- Ruta polas distintas zonas de actuación (restauración de solos, repoboación especies autóctonas, recuperación árbores danadas)
- Erradicación de eucaliptos e mimosas
- Xantar popular
- Foliada
Os traballos levaranse a cabo pola mañá do domingo 25 entre as 10.30 e as 14:00 h aproximadamente, para rematar cunha celebración e xantar.
📢Voltamos ao monte‼️o domingo 25 en #Touron faremos unha ruta polas distintas zonas de actuacións para ver os resultados, erradicaremos eucaliptos e mimosas e despois xantaremos xuntas.Inscríbete ▶️https://t.co/RcwBtczkTH … Máis info: https://t.co/BkodHAWwzz pic.twitter.com/73JC0UCL10
— Amigos da Terra (@adtgalicia) November 16, 2018