Nace a Asociación de Entidades Locais pola Lingua
Quince concellos únense na Asociación de Entidades Locais pola Lingua co obxectivo de pular polo galego e promover a colaboración entre as distintas institucións para lograr unha xestión máis eficaz dos proxectos colaborativos en materia de lingua.
A xuntanza tivo lugar en Santiago, estando representados nela ben a través dos alcaldes ou alcaldesas, concelleiros e concelleiras ou persoal técnico dos servizos de normalización, os concellos de A Baña, Ames, A Coruña, Teo, Ribadeo, Ferrol, Narón, Ponteceso, O Grove, Rianxo, Pontevedra, Moaña, Vilagarcía e Rois.
Acordaron que a presidencia da Asociación recaerá en Rianxo, a vicepresidencia no concello do Grove, Pontevedra encargarase d secretaría e Ames da tesourería. Narón, Rois e Santiago ocuparán as tres vogalías da entidade.
👅Quince concellos únense na Asociación de Entidades Locais pola Lingua
👉🏻 Os integrantes son concellos que xa veñen colaborando en proxectos como o Apego, o certame Youtubeir@s ou o Club de Debate pic.twitter.com/xOC17ZueTs— Concello de Santiago (@PazodeRaxoi) February 15, 2019