Dimite o candidato do PSOE á alcaldía de Ourense
José Ángel Vázquez Barquero indica que deixará a acta e xa non se presentará na candidatura do PSOE na cidade.
O ata agora voceiro dos socialistas no Concello de Ourense anunciou a súa despedida da política municipal e indicou que renuncia a encabezar a lista do seu partido nas municipais. Na mesma comparecencia tamén deixará as súas responsabilidades como voceiro e concelleiro na corporación ourensá.
Vázquez Barquero alegou motivos persoais para tomar a súa decisión. Nunha misiva enviada aos medios trasmitiu a mensaxe: “Con gran dolor de mi corazón os comunico que por motivos personales próximamente presentaré mi renuncia a encabezar la lista de mi partido a las Municipales y dimitiré como portavoz y concejal en el Concello de Ourense”.
Curiosas coincidencias
A dimisión do actual portavoz do PSOE en Ourense chega despois de que Pedro Sánchez mudara as listas das municipais tanto en Ourense, como na Coruña e Ferrol. Tamén chega días despois de que un dos rostros máis coñecidos do partido, Pachi Vázquez, anunciara o súa saída da formación para fundar un novo partido. Ao anterior hai que sumarlle a fichaxe do que fora lider das Xuventudes Socialistas por parte da candidatura do popular Jesús Vázquez