Nova marcha dos traballadores de Alcoa para evitar o peche
Os traballadores convocan unha marcha contra o peche da fábrica este luns 29 de outubro.
A loita contra o peche da factoría de Alcoa na Coruña segue collendo forza. Este luns os traballadores e traballadoras da fábrica de aluminios da Coruña convocan unha marcha obreira na que sairán uniformados da fábrica para marchar ata a Delegación do Goberno na capital herculina.
No medio farán unha parada na Praza da Palloza onde serán recibidos polas súas parellas, fillos e familia e toda a xente que os vaia acompañar para continuar todos xuntos a esixir que non se peche a fábrica.
Apoios sociais
A loita contra o peche de Alcoa segue a sumar forza. Durante o partido do Deportivo da Coruña contra o Reus puideron verse pancartas de apoio aos traballadores e todo o estado de Riazor gritou ao unísono “Alcoa non se pecha” durante varios minutos en solidariedade cos afectados e conscientes da importancia da fábrica de aluminios para a súa cidade.
A mobilización está alcanzando pico moi importantes tamén a través das redes. Unha petición en change.org leva acadadas, a día de hoxe, máis de 32.000 sinaturas contra o peche da fábrica.
Riazor grita: “Alcoa non se pecha”. Ánimo a todos los afectados. pic.twitter.com/rXAYCa8wwC
— Riazor.org (@riazororg) October 27, 2018
Mañá todas a berrar ben alto que #AlcoaNonSePecha!!
👇👇👇 pic.twitter.com/uG56TZ5gt4
— Dex!! #MoleroLibertad (@dexsevenholland) October 28, 2018
Todo o estadio de Riazor defendendo os seus veciños. Solidariedade obreira en estado puro.
E seguro que mañá a manifestación de apoio que sairá da fábrica ás 17:30 non será menos ✊️✊️#AlcoaNonSePecha pic.twitter.com/PjLjgkuuvb— Davide Manzaneda (@DavideManzaneda) October 28, 2018
En Riazor, todo o estadio unido como unha soa voz: "Alcoa non se pecha!" pic.twitter.com/yn7yMwWlfC
— BNG Comarca A Coruña (@BNG_comarcaAC) October 27, 2018