Alexandra Fernandez acusa ao grupo de En Marea en Madrid de primar os seus intereses persoais
A deputada de En Marea fixo un duro discurso sobre como se está a comportar o grupo parlamentar da formación no congreso.
Alexandra Fernández, deputada no Congreso por Pontevedra, fixo un duro relato do que está a acontecer grupo parlamentar de En Marea en Madrid. Desvelou que os deputados non respectan os acordos nin os principios nin o espazo polo que foron elixidos. Comezou dicindo que o propio sería que o voceiro do grupo nas cortes estivera no plenario dando contas e que, ao non estar, iso era un sístoma dun problema de fondo.
O grupo decidiu non comparecer no plenario porque non consideran que En Marea sexa o espazo que os designou aínda que os que non acudiron non perderon a oportunidade de felicitarse polo acontecido o sábado no plenario onde o pacto de Podemos, Anova e Esquerda Unida conseguiu impoñer boa parte das súas teses.
A deputada de En Marea continuou o seu discurso explicando que a axenda galega está bloqueada porque “dous ou tres persoas decidan a axenda que lles convén persoalmente” en clara alusión aos deputados de Unidos Podemos Antón Gómez-Reino, Yolanda Díaz e Ángela Rodríguez. Continuou dicindo que En Marea ten que elixir se asume como válido o desmantelamento dos principios dos que se dotou a formación para provocar un cambio na maioría social do país ou se, pola contra, se desaproveitaba a maior representación que tivo Galicia en Madrid e que se debera facer valer na negociación dos próximos orzamentos para conseguir avances históricos para o noso país polo que emprazou a esixir que Podemos cumpra os acordos.
A deputada viguesa tamén indicou que, a pesar da decisión en contra do grupo, sentía que tiña obriga de rendir contas no plenario porque é unha oportunidade de diálogo con todas as inscritas e porque ela estaba no Congreso grazas o esforzo de todas as persoas de En Marea que traballaron para conseguilo.
🌊O grupo nas Cortes rexeitou a dación de contas. A deputada @aKollontai faino a título individual. "Penso que é a miña responsanbilidade. EM non se pode subordinar ao grupo confederal, hai que cumprir os acordos" para manter a histórica representación. #DecidesTi #PlenarioEM27O pic.twitter.com/J7cId2gf11
— EnMarea (@En_Marea) October 27, 2018
Para unha organización de ruptura as únicas bases son o conxunto das clases subalternas. Son elas, non a militancia, quen debe decidilo todo.
Os representantes institucionais non renden contas ante catro militantes senón ante os electores.
A ver se o imos entendendo— Antón Dobao (@AntonDobao) October 25, 2018
Pingback:Alexandra Fernandez (Anova/En Marea) acusa aos deputados de Unidos Podemos que conforman o grupo de En Marea en Madrid de primar os seus intereses persoais impedindo así avances para Galiza
Pingback:O PSOE xoga a baza do adianto electoral para tratar de aprobar os orzamentos - O Parte
Pingback:Os continuos desencontros con Podemos e EU provocan que Alexandra Fernández deixe a política institucional - O Parte