Doble victoria do Auriense Campus da Auga FG

Gran domingo para o único representante na Liga Galega de fútbol gaélico da provincia de Ourense.

Pola mañá, na cidade de Vigo, o Auriense Feminino visitaba con numerosas baixas ao Keltoi, rival moi complicado e que se situaba na parte superior da táboa.

Tras un partido excelente, onde as xogadoras ourensás estiveron acertadísimas no tiro a paus e conseguiron, ademais de neutralizar o ataque olívico en todo momento, sentenciar o encontro na parte final do choque, conseguindo tamén levarse o average, moi importante cara final de liga: Keltoi 1-07(10) – Auriense 0-16(16).

Pola tarde, o equipo masculino xogábase quedar entre os catro mellores equipos de Galicia, contra o Estrela Gales de Santiago de Compostela.

Ainda que cun comezo titubeante, debido en parte á excesiva calor que rexistraron os termómetros onte na capital, rapidamente o conxunto ourensá fixo gala do seu acerto a gol e rompeu o encontro no primeiro tempo.

O segundo tempo, estivo marcado polas contras e de novo, o acerto cara os tres paus. Marcador final: Auriense 10-12(42) – Estrela Gaels 2-08(14)

Un éxito e unha temporada redonda para o conxunto do Auriense, que agora loitará polo título e pola clasificación ao Ibérico, a disputar en Barcelona durante o mes de xuño.

Deixar unha resposta

Este sitio web utiliza cookies para que teñas unha mellor experiencia de usuario. Ao continuar a navegar estás dando o seu consentimento para a aceptación das ditas cookies e a aceptación da nosa política de cookies, pica na ligazón para máis información.plugin cookies

ACEPTAR
Aviso de cookies