Alertan das graves consecuencias da reapertura da mina de Touro-O Pino
A Plataforma veciñal Mina Touro-O Pino NON ven de comezar o envío do informe elaborado polo ICOMOS a pobos, vilas e concellos polos que discorre o camiño de Santiago, dende a fronteira francesa ata Compostela.
A Plataforma veciñal Mina Touro-O Pino NON fará chegar tamén o citado informe, no que se alerta das graves consecuencias que tería para o camiño a reapertura e ampliación da mina de cobre a ceo aberto nos concellos de Touro e O Pino aos departamentos con competencia en materia de turismo das Comunidades Autónomas polas que transcorre e a asociacións de amigos do camiño.
Nos correos enviados, refiren que “de levarse a cabo o proxecto podería supor importantes riscos para a permanencia do Camiño como Ben da Humanidade, título que ostenta na actualidade.
Segundo aseguran dende a Plataforma veciñal Mina Touro-O Pino NON, “cremos que debemos manter e transmitir o legado histórico que supón o Camiño de Santiago, e tamén que non se poden poñer en risco os modos de vida asociados a ese ben cultural e que son vital importancia na economía tanto destes dous concellos como de todos aqueles polos que discorre. De aí nace a necesidade de dar difusión ao Informe elaborado polo ICOMOS”.