Pablo Casado era o asistente de Aznar cando exerceu de mediador co goberno de Gadafi
Exerceu como asistente do ex presidente e recibía as comunicacións entre Aznar e o goberno de Muamar el Gadafi.
Befesa, unha empresa filial do grupo Abengoa, contratou a José María Aznar no ano 2010 para negociar co goberno de Gadafi e conseguir a adxudicación duns contratos para desaladoras en Libia. As boas relacións do ex presidente co goberno libio foi considerado pola empresa para conseguir o permiso e así materializar a adxudicación. O propio Aznar declarou que a remuneración como mediador fora perfectamente tranparente e que incluso chegou a declarala e tributar por ela en Facenda.
As oficinas de Aznar tiñan como asistente a Pablo Casado e era quen recibía as comunicacións co goberno de Gadafi. O propio Casado quitoulle ferro ao seu traballo de entón xustificando que Gadafi non era considera un ditador e que o seu traballo era un simple formalismo.
Mediadores e relatores
Pablo Casado cargou hai uns días contra Pedro Sánchez por crear a figura de relator que se daría nunha suposta mesa negociadora para resolver o conflicto catalán. A sarta de calificativos que o líder do Partido Popular botou sobre Pedro Sánchez poden volvérselle na contra unha vez coñecido que o posto que provocou que Casado cargara contra o presidente do goberno garda unha gran similitude cun traballo que casado exerceu hai aproximadamente oito anos.