Tribuna Pública convida aos traballadores de ALCOA a unha acción para humanizar a súa problemática laboral
Traballadores e traballadoras da fábrica de ALCOA na Coruña participarán este domingo en Tribuna Pública.
Cunha acción titulada “Os rostros de Alcoa”, o persoal da fábrica participará en Tribuna Pública ás 12:00h. deste domingo nunha acción consistente na participación individual de cada traballador na que expresarán as súas reivindicacións co obxectivo de humanizar esta problemática laboral colectiva.
Esas intervencións, segundo apuntan dende a organización, serán gravadas in situ e convertidas nunha peza audiovisual de difusión mediática.
O acto contará coa asistencia do alcalde da cidade herculina Xulio Ferreiro e nel presentarase o apoio aos traballadores de ALCOA por parte das entidades culturais de Galicia e do estado que se adheriron á iniciativa de Tribuna Pública.