Case 500 proxectos musicais optan ás distincións Martín Códax
441 proxectos musicais optan á sexta edición dos premios Martín Códax outorgados pola Asociación Músicas ao Vivo.
Sonia Lebedynski, presidenta da Asociación, explica que “441 inscritos amosan o indiscutíble potencial e diversidade musical de Galicia e afianza Músicas ao Vivo como a casa común das músicas e músicos galegos”.
Nesta ocasión, cóntanse, entre outros, 53 proxectos de rock e 47 de pop, indie e autora, o que indica, segundo a organización “o bo momento que vive Galicia nestes estilos, con propostas de calidade internacional”. Tamén se conta con 39 nomes en folk e tradicional, 33 en músicas do mundo, 24 en jazz, 23 en infantil, 21 en electrónica, 19 en metal e en clásica, 18 en blues e tamén en funk, 16 en reggae e ska, 14 en músicas urbanas, 8 en coros e sete en músicas de verbena.
Destes candidatos escolleranse tres finalistas por categoría, polo que 45 propostas chegarán á final. A gala de entrega de premios da sexta edición dos Martín Códax será o 8 de maio no Pazo da Cultura de Pontevedra.
💥441 proxectos presentados💥 A partir de hoxe, as socias e socios de @Musicos_ao_Vivo escollerán os tres proxectos finalistas en cada
categoría, que se coñecerán na Festa de Finalistas o próximo 24 de abril nas @BodMartinCodax 👉🏼 https://t.co/xxZdjMXFWo pic.twitter.com/qxSd4ZEXC5— Premios Martín Códax (@prmartincodax) March 18, 2019