As plataformas contra a Mina de Touro reiteran a súa inviabilidade
As plataformas Mina Touro-O Pino NON e Pola Defensa da Ría de Arousa reiteran a inviabilidade do proxecto mineiro e denuncian o desleixo da Administración na súa obriga de protexer os elementos patrimoniais afectados, tal e como recolle o informe de ICOMOS.
Na rolda de prensa na que reiteran a inviabilidade do proxecto mineiro de Cobre San Rafael, participaron tanto as plataformas como unha representación do concello de Santiago e de diversos colectivos que apoian o rexeitamento ao proxecto.
Estas organización fan público novamente o seu descontento e preocupación polas irreversibles consecuencias que o proxecto de reapertura da Mina de Touto-O Pino tería para o Camiño de Santiago e outros elementos do patrimonio histórico e cultural dos concellos afectados, de ser aprobado pola Xunta.
No que lle compete á Xunta, aseguran, “a Lei de Patrimonio Cultural de Galicia tamén é clara ao establecer un réxime específico de protección dos Camiños de Santiago e indicando que as obras e actividades no ámbito delimitado destes deben ser compatibles coa conservación e coa protección dos seus valores propios”.
ICOMOS, pola súa banda, ven de unirse á loita contra a Mina e deixar moi claro que este proxecto “non é posible, non é compatible e non é sustentable cos nosos medios de vida nin co noso patrimonio”, para o que lle lembra ás administracións competentes que a destrución dos bens culturais e do seu entorno considerase espolio e está prohibido pola Constitución e pola normativa sobre patrimonio histórico, estatal e autonómica, que a desenrolan.
Hoxe estamos en rolda de prensa coa xente da Ría de Arousa e co @PazodeRaxoi para denunciar unha vez máis o impacto negativo da mina sobre o patrimonio, reiterado co recente informe de @ICOMOS_CNE. A mina non compensa, témolo claro.#MinaTouroOPinoNON #caminodesantiago pic.twitter.com/JWr5YNpA4q
— Mina Touro – O Pino NON (@minatouropinono) November 13, 2018
O informe da Unesco indica que a mina tería un impacto moi negativo para o Camiño de Santiago en varios camiños históricos.
Un ben patrimonio de humanidade posto en perigo polos que defenden o espolio e a depredación do país. Non permitiremos esta ruína nin herdanza envelenada. pic.twitter.com/ftvZwk81a1
— Compostela Aberta (@compostelaberta) November 13, 2018