O candidato do PP en Andalucía pregunta a unha vaca se votará ao Partido Popular
Juanma Moreno tenta coñecer o sentido do voto dunha vaca nun acto de campaña en Rute (Córdoba).
A campaña electoral do PP ás eleccións andaluzas do vindeiro domingo está deixando unha morea de imaxes curiosas que non pasan desapercibidas nas redes sociais. A última protagonizada polo candidato Juanma Moreno nunha visita a Rute (Córdoba) aproveitando que se atopaba nunha explotación gandeira para pedir o voto a unha vaca. “¿Tú vas a votar al PP o no? Di que sí, hombre” bromeou co animal.
Acompañando ao discurso identitario emitido polo líder nacional do PP Pablo Casado, o candidato ás andaluzas convertese no animador desta campaña, xa que comezou esta cun surrealista vídeo inspirado na saga de Star Wars, onde aseguraba que a forza estaba con él para gañar as eleccións andaluzas. Días despois rematou o seu mitin na Feira de Torremolinos (Málaga) interpretando dúas cancións: “Sabor de Amor”, de Danza Invisible e “Cuando brille el sol”, de La Guardia.
Nestas derradeiras xornadas da campaña electoral onde os partidos políticos tentan botan o resto, o candidato do PP, Juanma Moreno, fiel ao seu estilo, seguro que deixa momentos curiosos.
Momento estelar de las elecciones Andaluzas donde @JuanMa_Moreno le pregunta a una Vaca si votara al @PPopular pic.twitter.com/tcxpnruntk
— Alberto Mayoral .·. (@Normopata) November 26, 2018