“A derradeira lección do mestre” exporáse tamén en Ourense
A Deputación de Ourense anunciou que “A derradeira lección do mestre” poderá verse tamén en Ourense, unha vez remate a mostra “Castelao maxistral” en Santiago, grazas a un acordo co Centro Galicia de Bos Aires.
A partires do tres de marzo, data na que remata a exposición “Castelao maxistral” na cidade da cultura, a obra viaxará á provincia de Ourense, para exhibirse na sede da Deputación, nun formato “aínda por determinar”.
O presidente da Deputación, Manuel Baltar, destacou a “inmensa emoción” que supón que o cadro poida verse en Ourense, asegurando que se trata dunha nova “de forte impacto cultural e emocional para o mundo da galeguidade” polo que enfatixou o seu desexo de que “os ourensáns poidan contemplar presencialmente esta obra nas instalacións da deputación, para o que disporemos todo o necesario para que sexa un éxito”.
Polémica na presentación en Santiago
O cadro exhíbese dende o pasado 5 de outubro na Cidade da Cultura, onde foi visitado por centos de persoas. A chegada do cadro daquela xerou unha intensa polémica protagonizada polo presidente da Xunta, Alberto Núñez Feijoo, durante a súa intervención, ao obviar que o cadro constituía unha homenaxe a Alexandre Bóveda e ás persoas asasinadas e represaliadas polo franquismo mentres espetaba “somos, en gran medida, a Galicia que Castelao soñaba” (enlace ao artigo do Parte). As súas palabras foron moi criticadas, tanto polos grupos da oposición no Parlamento como pola propia Fundación Alexandre Bóveda.
Obxectivo cumprido! “A derradeira lección do mestre” do inmorrente Castelao estará en @DeputacionOU grazas ao acordo co @comcgba ! Decisión tomada nas instalacións do histórico Centro Orensano co presidente Vila Alén e coa presenza de @insuadospoetas de @pengalicia #CreoenOurense pic.twitter.com/r3ohxEsNFz
— Manuel Baltar (@ManuelBaltar) November 16, 2018
Así estamos: Feijóo desembala A última lección do mestre de Castelao e non pronuncia palabras como #asasinato #represión #fusilamentos nin guerra civil, escondendo a verdade, mentindo sobre a historia. @VillaresLuis @Anxelescunha pic.twitter.com/zyMxeoo7BR
— EnMarea (@En_Marea) October 3, 2018
Aborrecida de oír a todo o mundo choromicar as ausencias no discurso de Feijoo. Era visto, o q toca é preguntarnos que facemos cada1 de nós por dar a coñecer q significa este cadro para o noso pobo. Iso debe centrar os nosos esforzos e temos unha magnífica oportunidade #Castelao pic.twitter.com/67xNFFvfro
— Noa (@noaourense) October 3, 2018