O Concello de Santiago senta no banquillo aos Franco nun xuízo pola recuperación da memoria e a dignidade
O Concello de Santiago reclámalle á familia Franco as estatuas de Abraham e Isaac, que se atopaban no Pórtico da Gloria da catedral, pasaron ao concello e acabaron no Pazo de Meirás.
O Xulgado de Primeira Instancia número 41 de Madrid acollerá o proceso iniciado polo Concello de Santiago para reclamar as estatuas de Abraham e Isaac do Pórtico da Gloria, adquiridas polo goberno municipal en 1948 e das que se apropiou o matrimonio Franco fai máis de seis décadas.
O 20 de novembro de 2017, o Concello acordaba denunciar á filla, Carmen Franco y Polo, para recuperar esas dúas pezas patrimoniais do Mestre Mateo, alegando que non hai documentación que acredite esa adquisición e aportando os informes que avalan a venta ao consistorio. Martiño Noriega, o alcalde de Santiago asegurou, polo xuízo de hoxe que “é o primeiro xuízo que se celebra contra o expolio patrimonial da familia Franco por parte da institución”.
Na denuncia presentada, os representantes municipais destacan que estas esculturas “son bens de dominio público, e como tal, son inalienables, imprescriptibles e inembargables e están fóra do comercio”.
Durante este proceso xudicial, a familia Franco reivindicou que este patrimonio “adquiriuno un familiar nun anticuario”, ao que o alcalde de Santiago replica que non é certo, e que “o valor actual destas pezas é incalculable”. Considera Noriega que se finalmente a maxistrada lles da a razón, “xeraríase un precedente para o resto de pezas expoliadas pola familia Franco”.
"The Lord of the Rings: The Two Towers"#FreeAbrahamIsaac
Mañá comeza o xuizo en Madrid do @PazodeRaxoi contra a Familia Franco para recuperar as dúas pezas do Mestre Mateo, propiedade municipal, espoliadas durante a ditadura.
📷 @miguelpenas pic.twitter.com/pRLMMS6MwH— Martiño Noriega (@martinhonoriega) January 31, 2019