O PP critica a campaña ‘En negro contra as violencias’ mentres gasta 200.000 € en propaganda
Despois de negarse a participar na campaña “En negro contra as violencias” e sacar a súa propia “Fronte á violencia de xénero so cabe unha resposta. Sen ningún xénero de dúbida. Non”, cun custe de 200.000 euros, pide non malgastar recursos.
En 2015, o Concello de Santiago iniciaba a campaña “En negro contra as violencias para poñer en evidencia a lacra das violencias machistas, en colaboración cos comercios da cidade. A iniciativa foi un éxito, e dende aquela foron moitos os concellos que ano tras ano se sumaron a ela. Gobernos locais de todas as cores e mesmo deputacións formalizaron a súa unión a esta campaña, que reivindica “un pacto social e político real contra as violencias machistas”.
Con esta campaña tratan de “fomentar unha acción de sensibilización cidadá contras as violencias machistas no campo municipal a través da coordinación entre concellos, ademais de implicar ao tecido asociativo, económico, cultural, educativo e social como forma de resposta colectiva ante as violencias”.
Na actualidade, mentres un terzo dos concellos galegos apostan por unirse á campaña “En negro contra as violencias”, “tecendo rede” como asegurara o pasado ano Martiño Noriega, alcalde Santiago, converténdoa “nunha campaña de país”, a Xunta de Galicia desmárcase e saca a súa propia campaña, que segundo anunciaron, tamén terá difusión polos comercios locais. Esta campaña da Xunta custa 2000€ máis que a do ano pasado, que custara 196.078,43€, e ten un custo 2,5 veces maior que a de fai dous anos, cando a Xunta repartira 80000€ entre os medios de comunicación para lanzar a campaña.
A Xunta presenta a campaña do día internacional contra a violencia de xénero baixo o lema “Fronte á violencia de xénero só cabe unha resposta. Sen ningún xénero de dúbida. Non” https://t.co/bhaOS1Vf77 pic.twitter.com/pdIXKLzKOA
— S.X. da Igualdade (@igualdadenarede) November 10, 2018
Hoxe o Pazo de Raxoi acolleu o acto de sinatura do protocolo para a campaña “En negro contra as violencias machistas”, ao que asistiron representantes de 70 das 105 institucións que participan na campaña. #GaliciaEnNegro pic.twitter.com/Pvc32DjFE6
— contraasviolencias (@galiciaennegro) November 12, 2018